Kombëtarja e Kosovës ka mbetur e pandryshuar në renditjen më të re të FIFA-s, duke ruajtur pozitën e 78-të në botë.
“Dardanët” gjatë muajit qershor zhvilluan dy ndeshje miqësore. Fillimisht pësuan humbje 2:1 ndaj Çekisë, ndërsa më pas shënuan fitore bindëse 3:0 ndaj Andorës.
Pavarësisht këtyre rezultateve, Kosova nuk ka lëvizur në renditje dhe vazhdon të mbajë vendin e 78-të, që njëherësh mbetet renditja më e mirë që ka arritur ndonjëherë në klasifikimin e FIFA-s.
Ndërkohë, Kombëtarja e Shqipërisë ka pësuar rënie për dy pozita dhe tani renditet në vendin e 66-të. Kuqezinjtë i humbën të dy ndeshjet miqësore të muajit qershor, 1:0 ndaj Izraelit dhe 1:0 ndaj Luksemburgut.
Në krye të renditjes botërore vazhdon të qëndrojë Argjentina, kampionia në fuqi e botës.
