Punëtorët e kompanisë “Pastrimi” protestuan sot përpara ndërtesës së Komunës së Prishtinës, duke shprehur pakënaqësitë e tyre për gjendjen financiare në të cilën ndodhet ndërmarrja.
Protesta paqësore u shoqërua me mjetet e tyre të punës që u parkuan buzë objektit të komunës dhe punëtorët që zgjidhje emergjente të situatës së krijuar.
Me këtë rast, Komuna e Prishtinës ka njoftuar se është duke bërë gjithçka për tejkalimin e kësaj gjendjeje.
“Siç ju kemi njoftuar, kryeqyteti ka nënshkruar kontratën me Kompaninë Regjionale të Pastrimit, në vlerë prej 1.5 milionë eurosh, për mirëmbajtjen dhe pastrimin e hapësirave publike në qytet.
Presim nënshkrimin e kësaj kontrate edhe nga kompania rajonale “Pastrimi”, me qëllim që punëtorët t’i kthehen punës dhe angazhimit të tyre në Kryeqytet”, thuhet në njoftim të komunës.
Ky është njoftimi i plotë i komunës:
Të nderuar qytetarë,
Ka kohë që kryeqyteti është angazhuar për zgjidhjen e situatës së krijuar me mbeturinat.
Prandaj, përderisa kryeqyteti, është duke bërë gjithçka për tejkalimin e kësaj gjendje konsiderojmë se grumbullimi i punëtorëve të KRM “Pastrimi” para objektit të komunës është i panevojshëm. Keqpërdorimi i tyre për qëllime politike nga menaxhmenti është i papranueshëm dhe nuk duhet të vazhdojë.
Siç ju kemi njoftuar, kryeqyteti ka nënshkruar kontratën me Kompaninë Rajonale të Pastrimit, në vlerë prej 1.5 milionë euro, për mirëmbajtjen dhe pastrimin e hapësirave publike në qytet.
Presim nënshkrimin e kësaj kontrate edhe nga kompania rajonale “Pastrimi”, me qëllim që punëtorët t’i kthehen punës dhe angazhimit të tyre në kryeqytet
