Nëpër pikat e kalimit të Kosovës me vendet fqinje sot pritjet janë më të gjata se zakonisht.
Kjo pasi ka filluar të ketë fluks më të madh të qarkullimit të veturave të mërgimtarëve që ia kanë mësyer Kosovës për pushime.
Bazuar në të dhënat e fundit të përditësuara nga Ministria e Brendshme e Kosovës, pikëkalimet kufitare në Merdare dhe tek Dheu i Bardhë janë më të ngarkuarat me pritje për të hyrë në Kosovë.
Në Merdarë, kolonat shkojnë nga 800 metra deri në 1 kilometër derisa pritjet për të kaluar kufirin shkojnë deri në 1 orë e gjysmë.
Po ashtu edhe tek pikëkalimi kufitar tek Dheu i Bardhë pritjet janë deri në 2 orë derisa kolonat shkojnë nga 400-450 metra.
