Departamenti për të Mitur në Prokurorinë Themelore të Ferizajt, ka kërkuar nga Gjykata caktimin e masës së paraburgimit në afat prej 30 ditësh ndaj një të mituri, për shkak të dyshimit se ka kryer veprën penale “Dhunimi”.
Sipas Prokurorisë, ekziston dyshimi i bazuar se me datë 10.07.2025, rreth orës 13:00 në fshatin Gllavicë, të Shtimës, saktësisht në një pyll, i mituri me përdorimin e forcës, e ka keqpërdorur seksualisht të dëmtuarin, po ashtu i mitur, i gjinisë mashkullore.
“I mituri, që nga data 11 korrik 2025, me vendim të Prokurorit të Shtetit, gjendet nën masën e ndalimit për veprën penale të lartëcekur” thuhet në njoftimin e Prokurorisë
