Prokuroria Themelore në Prishtinë ka paraqitur kërkesën për caktimin e masës së paraburgimit, ndaj të pandehurës e cila të hënën shkaktoi një aksident trafiku me fatalitet.
Lajmin e ka konfirmuar zëdhënësja e Prokurorisë në Prishtinë, Laureta Ulaj.
“Prokurori i Shtetit ka paraqitur kërkesë për caktimin e masës së paraburgimit ndaj të pandehurës për shkak të veprës penale “Rrezikim i trafikut publik me fatalitet””, ka thënë Ulaj.
Aksidenti me fatalitet ndodhi të hënën në rrugën “Agim Ramadani” në Prishtinë .
Në këtë aksident, sipas policisë kanë qenë të përfshirë një këmbësor dhe një automjet.
Si pasojë e aksidentit, lëndime të rënda trupore ka pësuar këmbësori i cili nuk ka arritur të përballojë plagët dhe i njëjti ka ndërruar jetë.
