Shefi i stafit të kabineti të kryetarit të Kuvendit të Kosovës, Ilir Kërçeli, ka reaguar për një kontratë që Komuna e Prishtinës ka bërë me një konsorcium me një pagesë marramendëse dhe këtë më ironi e ka quajtur “Prishtina e Përjetimeve”.
Kërçeli ka njoftuar se deri në 15 mijë euro për ditë pune, Komuna e Prishtinës pritet ta paguajë konsorciumin e përbërë nga dy kompanitë private “Ardi CC L.L.C” dhe “Anarch Sh.P.K.” për shërbime rreth “Arkitektit të Kryeqytetit.
Kështu ka thënë ai në një postim në Facebook, ku ka theksuar se kjo pagesë vlen për tre vjet radhazi.
“Deri në 15 mijë euro për një ditë pune në tre vjet radhazi, Komuna e Prishtinës pritet ta paguajë konsorciumin e përbërë nga dy kompanitë private “Ardi CC L.L.C” dhe “Anarch Sh.P.K.” për shërbime rreth ‘Arkitektit të Kryeqytetit’”, ka shkruar Kërçeli.
Ai ka shtuar se “Arkitekti i Kryeqytetit” është një shërbim i cili do t’i vihet në punë administratës së kryetarit të Prishtinës, Përparim Rama për realizimin e projekteve arkitekturore në Prishtinë.
