Katër raste të dhunës në familje janë raportuar gjatë 24 orëve të fundit në Podujevë, Pejë, Deçan dhe Vushtrri, ndërsa lidhur me këto raste janë arrestuar katër të dyshuar.
Sipas raportit 24 orësh të Policisë, në Podujevë një burrë u arrestua nën dyshimin se sulmoi fizikisht një grua.
“Podujevë 15.04.2024-12:49. Është arrestuar i dyshuari mashkull kosovar pasi që i njëjti ka sulmuar fizikisht viktimën femër kosovare. Nuk raportohet për të lënduar. Me vendim të prokurorit i dyshuari është dërguar në mbajtje”, thuhet në njoftim.
Ndërsa, në Pejë i dyshuari u arrestua nën dyshimin se në vazhdimësi ushtroi dhunë fizike ndaj një gruaje.
“Pejë 15.04.2024-09:30. Është arrestuar i dyshuari mashkull kosovar pasi që dyshohet se në vazhdimësi ushtron dhunë fizike ndaj viktimës femër kosovare. Lidhur me rastin i dyshuari me vendim të prokurorit dërgohet në mbajtje”, thuhet në njoftim.
Lidhur me rastin në Deçan, thuhet se një burrë u arrestua për kanosje të një gruaje.
“Deçan 15.04.2024-08:30. Ështe arrestuar i dyshuari mashkull kosovar pasi që i njëjti ka kanosur viktimën femër kosovare. Me vendim të prokurorit i dyshuari është dërguar në mbajtje”, thuhet në njoftim.
Kurse, në Vushtrri thuhet se një burrë u arrestua pasi kanosi dhe sulmoi fizikisht një grua, e cila më pas pranoi ndihmë mjekësore.
“Vushtrri 15.04.2024-13:30. Është arrestuar i dyshuari mashkull kosovar pasi që ka kanosur dhe sulmuar fizikisht viktimën femër kosovare. Viktima ka pranuar tretman mjekësor. Me vendim të prokurorit, pas intervistimit i dyshuari lirohet në procedurë të rregullt”, thuhet në njoftim.