Policia e Kosovës njofton se një zyrtar në komunën e Mitrovicës në veri ka raportuar se është kanosur nga një i dyshuar derisa po kryente kontroll për inspektimin e ndërtimeve pa leje.
Në raportin 24 orësh të Policisë, thuhet se rasti ka ndodhur të shtunën, rreth orës 16:50.
“Ankuesi mashkull zyrtar në komunën Mitrovicë veri, ka raportuar se derisa ishte në kontroll për inspektimin e ndërtimit pa leje dhe duke i vënë shiritin për ndalimin e punës për ndërtim pa leje të një objekti është kanosur verbalisht nga i dyshuari mashkull kosovar”, thuhet në njoftim.
Policia bën të ditur se palët janë intervistuar dhe me vendim të prokurorit, janë liruar në procedurë të rregullt.
