Prerja ilegale e pyjeve po vazhdon me intensitet të lartë në Malet e Sharrit duke u bërë shkatërrime masive pyjeve në këtë pjesë pa u penguar nga askush.
Ndërsa dje policia ka njoftuar se rreth orës 15 dy ankues meshkuj janë kanosur nga persona të panjohur në Bjeshkën e Bukoshit në Komunen e Suharekës përderisa ata po transportonin dru që po i prenin ilegalisht në këtë zonë.
Sipas raportit të policisë lidhur me rastin janë ndërmarrë të gjitha veprimet e nevojshme për hetime të mëtejme.
“Fsh. Bukosh, Suharekë 12.03.2023 – 15:00. Dy ankuesit meshkuj kosovarë, kanë informuar se derisa ishin në pyll janë kanosur nga disa persona të panjohur të cilët me traktor ishin duke transportuar dru. Lidhur me rastin janë ndërmarrë të gjitha veprimet e nevojshme për hetime të mëtejme.” , thuhet në Komunikaten e Policisë.
