Deputeti shqiptar në parlamentin e Serbisë, Shaip Kamberi, tha se gjatë një jave qëndrim në ShBA, çështjen e Luginës e çuan në Departamentin e Shtetit, Senat e Kongres.
Kamberi tha se nuk kërkojnë asgjë më tepër veç trajtim të barabartë dhe se kundërshtuan tendencat për ndërtimin e standardeve të dyfishta në trajtimin e pakicave.
“Reciprocitetin e shohim si zgjidhje. Të gjithë bashkërisht treguan përkushtim për shqiptarët e Luginës së Preshevës. Na pret punë e angazhim i pandalshëm”, ka shkruar Kamberi.
Tutje, ai tha ishte Qeveria e Kosovës dhe kryeministri Albin Kurti që sponsorizuan dhe ndihmuan këtë vizitë.
