Njësitet policore në Bube, Zubin Potok, kanë arrestuar dy persona kosovarë nën dyshimin se kanë kaluar në mënyrë të paligjshme kufirin e Republikës së Kosovës. Rasti ka ndodhur më 5 tetor 2024, rreth orës 12:05.
Sipas policisë të dyshuarit, të cilët ishin në një kamionetë me targa vendore, janë ndaluar nga policia për shkak të kalimit të paautorizuar në territorin e RKS-së.
Gjatë kontrollit të automjetit, policia ka gjetur dhe sekuestruar dy radiolidhje dhe një thikë xhepi.
Pas përfundimit të hetimeve, në konsultim me prokurorin, të dyshuarit janë liruar në procedurë të rregullt, ndërsa rasti vazhdon të hetohet më tej.
