Leon Goretzka pritet të largohet nga Bayern Munichu në fund të këtij sezoni, pasi gjiganti gjerman nuk llogarit në shërbimet e tij për sezonin e ri.
Mesfushori gjerman duket se karrierën do ta vazhdoj jashtë Bundesligas, pasi ka oferta për të nga Italia dhe Anglia.
Sipas asaj që ka raportuar revista gjermane Kicker, Juventusi është skuadra favorite për t’i siguruar shërbimet e mesfushorit gjerman.
Kontrata e mesfushorit përfundon në qershor 2026, por largimi i tij nga Gjermania mund të ndodhë këtë verë.
Zonja e Vjetër është gati që të bëj një ofertë prej 40 milionë eurove për mesfushorin gjerman, shumë që do ta kënaq Bayernin për ta lënë të lirë atë.
29-vjeçari këtë edicion ka zhvilluar 31 ndeshje zyrtare me bavarezët në të gjitha garat ku ka realizuar katër gola dhe ka asistuar në nëntë të tjerë.
Përveç Juventusit, interesim për mesfushorin gjerman kanë shprehur edhe skuadrat angleze si Manchester United, Tottenham Hotspur dhe Liverpool.
