Juventusi ka marrë dy shqetësime për lëndime pas fitores së tyre mbresëlënëse 3-0 ndaj Comos në Serie A të hënën mbrëma, pasi Timothy Weah dhe Khephren Thuram janë ‘goditur’ të dy nga i njëjti problem muskulor.
Zonja e Vjetër kishte shumë arsye për të festuar të hënën mbrëma, pasi tregoi një shfaqje emocionuese në shtëpi në ndeshjen e parë të Thiago Mottas në Serie A në krye të ekipit. Por, pati një zbutje të lehtë kur Weah duhej të zëvendësohej në pushimin mes pjesëve.
Edhe pse ai shënoi të dytin për Juventusinm, Weah dukej sikur kishte një problem me pjesën e pasme të epërme të kofshës pak çaste më parë.
Duket se nënshkrimi i ri Khephren Thuram pësoi një problem të ngjashëm menjëherë më pas, dhe ai u zëvendësua më pas nga Nicolo Fagioli në minutën e 67-të të ndeshjes.
Medical Update | Khephren Thuram and Timothy Weah ⤵️
— JuventusFC 🇬🇧🇺🇸 (@juventusfcen) August 20, 2024
Sipas përditësimeve të sotme (e martë), Weah dhe Thuram kanë pësuar lezione të shkallës së ulët në kofshët e tyre pas raportimit për teste mjekësore të martën në mëngjes.
Problemi është në këmbën e djathtë të Weah dhe në të majtën e Thuramit.
Të dy ata do të bëjnë përsëri një raund të dytë testesh në mes të javës së ardhshme. Calciomercato shton se zakonisht duhen rreth dy deri në tre javë për t’u kthyer në stërvitje të plota pas atij lloj tendosjeje.
