Atalanta e ka eliminuar në mënyrë dramatike Fiorentinën me rezultat të përgjithshëm 4-2, për të kaluar në finale të Kupës së Italisë.
Vendasit e nisën më mirë ndeshjen, kur shënuan me anë të Teun Koopmeiners pas vetëm tetë minutash lojë.
Atalanta mendoi se kishte shënuar edhe golin e dytë me anë të Gianluca Scamacca (13’), por VAR-i e anuloi atë për pozicion jashtë loje.
Dy skuadrat më pas kishin raste të mira për gol, por që nuk ia dolën t’i konkretizonin, duke i mbyllur 45 minutat e parë.
Në minutën e 53-të, Fiorentina mbeti me 10 lojtarë në fushë, pasi Milekovic u ndëshkua direkt me karton të kuq.
Por, kjo gjë nuk i ndaloi ata që të shënonin golin e barazimit, pasi realizuan për 1-1 në minutën e 68-të me anë të Martinez Quarta.
Scamacca e riktheu epërsinë për Atlantan, pasi shënoi në minutën e 75-të, me De Ketelaere që ishte asistuesi.
Në minutën e 90+5-të Ademola Lookman realizoi për 3-1, për të siguruar se skuadra e tij po kalonte në final, mirëpo qershinë mbi tortë e vendosi Mario Pasalic kur realizoi pas vetëm tre minutash për rezultatin final 4-1.
Në finale të Kupës së Italisë, Atalanta përballet me Juventusin që eliminoi Lazion.
