Parlamenti ukrainas votoi të martën për miratimin e dorëheqjes së ministrit të Mbrojtjes Oleksii Reznikov, pasi presidenti Volodymyr Zelensky njoftoi vendimin e tij për ta zëvendësuar atë.
Dhe ndërsa Reznikov u largua nga salla, ai mori një ovacion nga të pranishmit të cilët u ngritën në këmbë.
Ligjvënësi ukrainas Yaroslav Zheleznyak tha në Telegram se dorëheqja e Reznikov u miratua me 327 vota pro, shkruajnë mediat e huaja.
Zheleznyak theksoi gjithashtu se u miratua shkarkimi i Rustem Umerov, kreut të Fondit të Pronës Shtetërore të Ukrainës, dhe se parlamenti po pret një propozim nga Zelensky për ta emëruar atë si ministrin e ri të mbrojtjes.
Ndryshe, një ditë më parë, Reznikov njoftoi në X se i dorëzoi dorëheqjen e tij Ruslan Stefanchuk, kreut të parlamentit.
“Ishte një nder t’i shërbeja popullit ukrainas dhe të punoja për Ushtrinë e Ukrainës për 22 muajt e fundit, periudha më e vështirë e historisë moderne të Ukrainës”, shtoi ai.
Zelenskyy njoftoi të dielën se ai informoi parlamentin për vendimin e tij për të shkarkuar Reznikov, duke nënvizuar nevojën për “qasje të reja dhe formate të tjera të ndërveprimit si me ushtrinë ashtu edhe me shoqërinë në përgjithësi”.
Shkarkimi i Reznikov nga posti i tij ishte një temë e raportuar më parë nga mediat lokale në fillim të këtij viti, por nuk u realizua.
Raportet erdhën pasi një numër zyrtarësh ukrainas ose dhanë dorëheqjen ose u liruan nga detyrat e tyre pasi Zelensky deklaroi në janar se do të riorganizonte zyrtarët në nivele të ndryshme në ministri dhe organe administrative qendrore dhe lokale, si dhe në zbatimin e ligjit për të ndërtuar “një shtet të fortë”.
Analistët thonë se Ukraina ka vuajtur prej kohësh korrupsionin endemik, por “operacioni special ushtarak” i Rusisë thuhet se ka lënë në hije përpjekjet e qeverisë për të zhdukur korrupsionin.
The Ukrainian Parliament dismissed Oleksii #Reznikov from the position of Minister of Defense.
— KyivPost (@KyivPost) September 5, 2023
As Reznikov left the hall, he received a standing ovation. pic.twitter.com/hFjb59dwb9
