Moti i butë pothuajse pranveror që po mbretëron javëve të fundit me temperatura maksimale madje deri në 16°C, së shpejti u vjen fundi dhe Kosova do të përballet me mot dimëror dhe temperatura që zbresin në minus.
Departamenti Meteorologjik nga Agjencia e Shërbimeve të Navigacionit Ajror (ASHNA), njofton se devijimi stratosferik që tashmë ka ndodhur dhe ka afektuar vendet nordike të cilat po përjetojnë temperatura të ulëta madje deri -43°C, nga e hëna e javës së ardhshme për disa ditë me radhë pritet të shtrihet edhe në zonat e gadishullit ballkanik, ku bën pjesë edhe Kosova.
Kështu ndryshimet do të sjellin edhe shtresa bore të cekëta të cilat do të mbulojnë edhe zonat urbane.
“Temperaturat minimale pritet të zbresin deri në -08°C, ndërsa ato maksimale deri në -1°C. Erërat e furishme veri – verilindore me shpejtësi deri në 20m/s, do të shkaktojnë ndjesinë e një acari të vërtetë, tipik për muajin janar, duke rezultuar me vështirësi në zhvillimin e aktiviteteve normale jetësore të qytetarëve:, thuhet nga Departamenti Meteorologjik në ASHNA.
