Zëvendësministri i Drejtësisë, Blerim Sallahu ka njoftuar se ka nënshkuar vendimin për shkarkim të Ilir Mulhaxhës nga detyra e përmbaruesit privat.
Ai thotë se Mulhaxhes, i është gjetur shkelje disiplinore pasi që i njëjti gjatë kryerjes së veprimeve përmbarimore në kuadër të aktivitetit të tij, nuk iu ka përmbajtur ligjit, në lëndën e përmbarimit, dhe si rrjedhojë është shkarkuar nga detyra.
“Komisioni Disiplinor për Përmbarues Privat ka gjetur shkelje disiplinore pasi që i njëjti gjatë kryerjes së veprimeve përmbarimore në kuadër të aktivitetit të tij, nuk iu ka përmbajtur ligjit, në lëndën e përmbarimit, dhe si rrjedhojë është shqiptuar masa disiplinore, shkarkim nga detyra”.
Kujtojmë që më 10 janar të këtij viti, ministrja Haxhiu pas kërkesës së AKP-së për inicimin e procedurës disiplinore ndaj permbaruesit privat, mbi bazën e shkeljeve ligjore të pretenduara, e kishte suspenduar nga detyra, Ilir Mulhaxhën, i cili është vëllai i deputetes së Kuvendit të Kosovës, Fatmire Mulhaxha- Kollqaku.
