Policia e Kosovës njofton se është arrestuar një person në Fushë-Kosovë, nën dyshimin se i kishte shpërndarë disa fotografi intime të ish-të fejuarës së tij, tek familjarët e kësaj të fundit.
Lajmi u bë i ditur përmes raportit 24 orësh të policisë, ku thuhet se rasti kishte ndodhur më 6 janar 2022.
“Viktima femër kosovare, ka njoftuar se ish i fejuari i saj mashkull kosovar, i ka shpërndarë disa fotografi intime te familjaret e saj. I dyshuari është arrestuar dhe pas intervistimit me venim te prokurorit lirohet në procedurë të rregullt”, thuhet në njoftim.
