Është realizuar në Qendrën Spitalore Universitare “Nënë Tereza” një ndërhyrje e kompleksitetit të lartë te një fëmijë.
Ministrja e Shëndetësisë dhe Mbrojtjes Sociale, Albana Koçiu bën me dije se në një postim në rrjete sociale, se fëmija ishte diagnostikuar me një sindromë të rrallë, “FHEIG Sindrome”, i pari rast i evidentuar në Shqipëri.
“Në QSUT, një ndërhyrje e kompleksitetit të lartë është realizuar nga personeli shëndetësor i Shërbimit të Kirurgjisë Orale dhe Maksilofaciale, tek një fëmijë i diagnostikuar me një sindromë të rrallë, FHEIG Sindromë, i pari rast i evidentuar në Shqipëri”, shkruan Koçiu.
Ministrja e cilëson një tjetër histori suksesi operacionin delikat të kryer nga personeli shëndetësor i Shërbimit të Kirurgjisë Orale dhe Maksilofaciale në QSUT, falë të cilëve fëmija gëzon shëndet të plotë dhe i është rikthyer funksioni i plotë i ushqyerjes dhe ai estetik.
