Ambasadori i Shteteve të Bashkuara të Amerikës në Kosovë, Jeffrey M. Hovenier ka takuar veprimtarin shqiptaro-amerikan, Jim Xhema.
Hovenier shprehet se është gjë e mrekullueshme të takohesh me Jim Xhemën në eventin e mbrëmjes së sotme, të organizuar nga VATRA.
“Është e mrekullueshme të takohesh me Jim Xhemën në eventin e mbrëmjes së sotme, të organizuar nga VATRA. Angazhimi dhe mbështetja e tij e gjatë për Kosovën janë një demonstrim i prekshëm i lidhjeve tona të ngushta mes Shteteve të Bashkuara të Amerikës dhe Republikës së Kosovës”, ka shkruar ambasadori i ShBA-ve, Jeffrey M. Hovenier.
Ndryshe, presidentja Vjosa Osmani, ka pritur të martën në takim një delegacion shqiptaro-amerikan, të kryesuar nga veprimtari i njohur i diasporës shqiptare të Amerikës, Xhim Xhema, të cilit ia ka dorëzuar medaljen Urdhri i Lirisë, të dhënë me motivacion për kontribut të jashtëzakonshëm për lirinë dhe pavarësinë e Kosovës.
Osmani ka theksuar se mërgata shqiptare në Shtetet e Bashkuara të Amerikës është urë e fortë lidhëse ndërmjet Republikës së Kosovës dhe popullit shqiptar në Ballkan me aleatin strategjik, Shtetet e Bashkuara të Amerikës.
Në këtë kontekst, Osmani ka potencuar se Xhim Xhema është ikonë e mërgata shqiptare në Amerikë, i cili për më shumë se tri dekada ka dhënë një kontribut të pazëvendësueshëm për lirinë dhe pavarësinë e Kosovës.
Wonderful to catch up with Jim Xhema at tonight's event, hosted by VATRA. His long standing engagement and support for Kosovo are a tangible demonstration of our close ?? – ?? ties. pic.twitter.com/WfBJNJBiPz
— Ambassador Jeff Hovenier (@USAmbKosovo) February 15, 2023
