Deputeti nga radhët e LDK-së, Avdullah Hoti, ka akuzuar qeveritarët se kanë prishur raportet me Shtetet e Bashkuara të Amerikës (ShBA), pas deklaratës së ambasadorit Jeffrey Hovenier se aktualisht njohja reciproke është e pamundur në dialogun Kosovë-Serbi.
“Qeveritarët duhet t’i tregojnë popullit ku e kanë katandisur punën që e ka shtyrë ShBA-në — aleatin kryesor Kosovës — të deklarojë se nuk është koha për njohje nga Serbia. Çfarë ka ndodhur në marrëdhëniet e Kosovës me SHBA-në që njohja reciproke nuk është më në qendër?!” ka shkruar Hoti në Facebook.
Në një deklaratë për “The Economist”, Hovenier u shpreh se aktualisht nuk është e mundur të arrihet njohja reciproke, “por sfidat e sotme mund të tejkalohen”.
Në vazhdimësi, partitë opozitare kanë akuzuar Qeverinë Kurti për ftohje të raporteve me SHBA-në.
