Ministri i Mjedisit, Planifikikimit Hapësinor dhe Infrastrukturës, Liburn Aliu ka njoftuar se ka një dakordim të dyanshëm për trasenë se kah do të kaloj hekurudha që lidhë Kosovën me Shqipërinë.
Përmes një postimi, Aliu ka bërë të ditur se pas pas procesit të nisur të studimit të fizibilitetit të hekurudhës Prishtinë – Durrës, do të fillojnë edhe punimet intensive për këtë projekt.
“Hekurudha Prishtinë-Durrës, një projekt tejet i rëndësishëm, që po avancon çdo ditë e më shumë, e që pas procesit të nisur të studimit të fizibilitetit, do të fillojnë edhe punimet intensive për realizimin e një prej projekteve më të mëdha infrastrukturore për kombin”, ka njoftuar ministri i Mjedisit, Planifikikimit Hapësinor dhe Infrastrukturës.
