Gjykatësja në gjyqin e shpifjes Johnny Depp-Amber Heard zyrtarizoi të premten dëmshpërblimin e caktuar nga juria në gjykatën e Qarkut Fairfax të Virxhinias në fillim të këtij muaji, me një urdhër me shkrim që Heard t’i paguajë Deppit 10.35 milionë dollarë për dëmtimin e reputacionit të tij duke e përshkruar veten si viktimë e abuzimit në familje në një artikull op-ed që ajo shkroi.
Gjykatësja Penney Azcarate, urdhëroi edhe Depp-in t’i paguante Heard-it 2 milionë dollarë, dëmshpërblim që juria ka caktuar në kundërpadinë e Heardit se ndaj saj ishte shpifur nga një prej avokatëve të Depp-it, raportoi Associated Press të shtunën.
Deppi e paditi Heard-in për një shkrim të dhjetorit 2018 që ajo shkroi në The Washington Post duke e përshkruar veten si “një figurë publike që përfaqëson abuzimin në familje”.
Juria gjeti fakte në favor të Depp-it për të tri pretendimet e tij në lidhje me deklaratat specifike në shkrimin e Heardit të vitit 2018.
