Ministrja e Drejtësisë, Albulena Haxhiu, paralajmëroi Vetting të plotë në sistemin e drejtësisë, do të ketë duke nisur nga krerët e institucioneve të drejtësisë.
Në një konferencë për media bashkë me kryeministrin e Kosovës, Albin Kurti, ministrja Haxhiu konfirmoi, se Komisioni i Venecias ua ka dhënë dritën e gjelbër që të nisë ky proces, duke shtuar se fillimisht janë kërkuar reforma në sistemin e drejtësisë.
“Vetting do të ketë dhe atë të plotë dhe siç duhet, duke filluar nga krerët e institucioneve të drejtësisë. Do të jemi të gatshëm të bashkëpunojmë edhe me Këshillin Gjyqësor edhe me Këshillin Gjyqësor të Kosovës, me partnerët ndërkombëtarë dhe partitë opozitarë që këto reforma të jetësohen”, ka thënë Haxhiu.
Ajo po ashtu bëri të ditur se Komisioni i Venecias ka gjetur probleme të shumta në sistemin e drejtësisë, duke nisur nga mungesa e besimit, korrupsioni, stërzgjatja e gjykimeve, nepotizmi dhe deri te përzgjedhja e Kryeprokurorit të Shtetit. Haxhiu gjithashtu bëri të ditur se Komisioni i Venecias ka dhënë dritën e gjelbër edhe për formalizmin e punës për Byron Shtetërore për Konfiskimin e Pasurisë së Pajustifikueshme. /21Media/