Ish-deputeti i Kuvendit të Kosovës, Haxhi Shala, po intervistohet nga Zyra e Prokurorit Special të Kosovës.
Siç merret vesh intervistimi i tij po bëhet në zyrat e misionit evropian për sundimin e ligjit, EULEX.
Haxhi Shala është ish- ushtar i UÇK-së, i njohur në luftë si komandant ‘Topi . Ai ishte për shumë vjet pjesë e partisë Nisma dhe mandej kaloi në Aleancën për Ardhmërinë e Kosovës.
Të pyetur lidhur me rastin, nga ZPS-ja kanë bërë të ditur se po kryhen disa operacione të vazhdueshme në Kosovë, megjithatë nuk kanë dhënë koment lidhur me intervistimin e Shalës.
“Zyra e Prokurorit të Specializuar është duke kryer operacione të vazhdueshme në Kosovë dhe nuk ka komente të mëtejshme”, ka thënë shkurtimisht zëdhënësi Christopher Bennett.
