Kandidati për deputet nga radhët e Lëvizjes Vetëvendosje, Mytaher Haskuka me numrin 50 ne listë, i ka bërë një thirrje të gjithë qytetarëve që të shfrytëzojnë të drejtën e tyre të votës në këto orë të fundit të procesit zgjedhor.
Përmes një video-mesazhi drejtuar qytetarëve, Haskuka ka kujtuar se kanë mbetur më pak se nje orë deri në mbylljen zyrtare të qendrave të votimit, duke kërkuar mobilizim maksimal nga të gjithë.
”Të dashur qytetarë, kanë mbetur më pak se dy orë deri në mbylljen e vendvotimeve. Prandaj ju lus që të dilni dhe të votoni,” u shpreh Haskuka, duke u bërë thirrje të veçantë atyre që janë në orar të punës ose sapo e kanë përfunduar atë.
”Merrni 15 minuta pushim për të ardhmen tuaj”
Haskuka ka udhëzuar punëtorët që para se të nisen për në shtëpi, të ndalojnë nëpër qendrat e tyre të votimit, ndërsa atyre që janë ende në ndërrime u ka kërkuar të shfrytëzojnë një pauzë të shkurtër:
Për ata që kanë përfunduar punën: “Para se të shkoni në shtëpi, shkoni tek vendvotimi dhe votoni.”
Në mesazhin e tij, kandidati me numrin 50 ka kërkuar nga qytetarët që të përdorin çdo kanal komunikimi – si WhatsApp, Viber apo Messenger – për të kontaktuar të afërmit, miqtë dhe kolegët që ende nuk kanë votuar.
