Ministrja e Industrisë, Ndërmarrësisë dhe Tregtisë, Rozeta Hajdari, nëpërmjet një postimi në profilin e saj në Facebook, ka thënë se së bashku me kryeministrin Albin Kurti kanë vizituar biznesin Liftkos Sh.P.K në hapësirat e Parkut të Biznesit, në Drenas. Ajo ka thënë sev Liftkos, si prodhuesi i vetëm i ashensorëve në vend, me cilësi dhe kontroll maksimal të sigurisë sipas standardeve gjermane, është kompani e certifikuar nga “ Liftinstitute “, institucioni më i lartë për ashensorë në Evropë.
“Sot, së bashku me Kryeministrin Albin Kurti, vizituam biznesin Liftkos Sh.P.K në hapësirat e Parkut të Biznesit, në Drenas.
Liftkos si pjesë e familjes gjermane, Schneider Steuerungstechnik GmbH (Lisa-Lift), është kompania e vetme në rajon, që bën prodhimin e plotë të ashensorëve dhe e vetmja e certifikuar në Kosovë.
Në mikpritje dhe shoqërim nga Drejtori Ekzekutiv Hans Joachim Hemstedt me kolegtë e tij Endrit Shatri, Menaxher i Produktit, Donika Gashi, Udhëheqëse e Departamentit të inxhinierëve, dhe Lauras Haxhiu nga Departamenti i shitjeve, u njoftuam për veprimtarinë e Liftkos në prodhimin dhe shitjen e ashensorëve në tregun e Kosovës, rajonal dhe për tregun gjerman”, ka thënë Hajdari.
Sipas saj, Liftkos si prodhuesi i vetëm i ashensorëve në vend, me cilësi dhe kontroll maksimal të sigurisë sipas standardeve gjermane, është kompani e certifikuar nga “ Liftinstitute “, institucioni më i lartë për ashensorë në Evropë.
Duke ofruar versionin e fundit të kontrollorëve të ashensorit me shumë funksione të veçanta, Liftkos është edhe prodhues i kontrollerëve të ashensorit dhe pjesës elektronike komanduese.
Ministrja ka thënë se veprimtaria e Liftkos në Kosovë përfshin: prodhimin e ashensorëve; prodhimin e ashensorëve special dhe të veçantë; shkallë të lëvizshme; platforma peshëngritëse; ashensorë për shtëpi (Home&Minilift); ashensorë invalidorë; montime dhe riparime të ashensorëve dhe mirëmbajtje të ashensorëve.
“Ashensori më i shpejtë në Kosovë, i cili është tani në fazën e testimit, është prodhim i Liftkos. Shpejtësia e tij arrin 2.5 metra në sekondë.
Liftkos dhe Shneider me produktet cilësore me standard të lartë të prodhimit dhe transferin e njohurisë të inxhinierët tanë të rinjë, kontribuon në arritjen e vizionit tonë për deri në vitin 2030 për transformimin e industrisë së vendit në një industri më të integruar globalisht që është në gjendje të prodhojë produkte me vlerë të lartë të shtuar dhe të ofrojë punësim të denjë”, përfundon ministrja Hajdari.\KosovaNews
