Sekretari i Përgjithshëm i OKB-së, António Guterres, tha të premten se është “thellësisht i alarmuar” nga vendimi i qeverisë izraelite për të marrë kontrollin e qytetit të Gazës.
“Kjo shënon një përshkallëzim të rrezikshëm dhe rrezikon thellimin e pasojave tashmë katastrofike për miliona palestinezë. Mund të rrezikojë më tej më shumë jetë, përfshirë edhe pengjet e mbetura”, ka thënë Guterres në një postim në “X”.
Kreu i OKB-së përsëriti thirrjet e tij për një armëpushim të përhershëm, akses “të papenguar” humanitar në të gjithë Gazën dhe lirimin e pengjeve të mbetura.
Një deklaratë nga zëdhënësi i Guterres i bëri thirrje gjithashtu Izraelit të zbatojë ligjin ndërkombëtar.
