Gjyshja e 17-vjeçarit që u vra në Francë nga Policia ka bërë thirrje për qetësi pas natës së pestë të trazirave në të gjithë vendin.
“Ne nuk duam që të shkatërrohen dyqanet, autobusët dhe shkollat”, tha Nadia për BFM TV. “Po e përdorin Nahelin si justifikim. Ne duam që gjërat të qetësohen”.
“Më dhemb zemra”, tha ajo për paratë e dhuruara për policin që u arrestua pasi qëlloi për vdekje Nahelin të martën.
Por ajo thotë se ka besim se punonjësi i policisë do të ndëshkohet si gjithë të tjerët.
