Në gjykimin e Hashim Thaçit Kadri Veselit, Rexhep Selimit dhe Jakup Krasniqit në Gjykatën Speciale, dëshmitari i pestë i Prokurorisë ka rrëfyer për rastin kur, sipas tij, disa burra me uniforma të zeza dhe emblema të UÇK-së morën të afërm të tij.“Doja t’i dilja para makinës që t’i shihja se dëgjova krismat, dhe i kishin marrë të afërmit e mi në një makinë” – tha dëshmitari i mbrojtur, i koduar me shifrën 3165.Ai deklaroi se këta persona kishin uniforma të zeza me emblemën e UÇK-së dhe maska të zeza në fytyrë.Për shkak të përfundimit të orarit të punës seanca e sotme është ndërprerë dhe do të vazhdojë nesër.Paraprakisht, Gjykata ka marrë vendim që të zbatohet parimi i publicitetit e në këtë rast.Urdhri është lëshuar pas shqetësimit të trupit gjykues se të gjitha provat janë dëgjuar në seanca private dhe të mbyllura deri më tani.“Urdhërohen të angazhohen diskutime inter-partes për këtë çështje dhe deri më 31 maj 2023 të sigurohet zgjidhje për të garantuar publicitet më të madh të këtyre procedurave”- ka thënë Smith.Gjyqi ndaj ish-krerëve të UÇK-së filloi gati dy vjet pas arrestimit dhe dërgimit të tyre në Hagë.Ata po akuzohen për krime lufte dhe krime kundër njerëzimit.
Gjykimi ndaj tyre filloi më 3 prill 2023.Aktakuza fillestare kundër katër të akuzuarve u konfirmua më 26 tetor 2020 dhe ka pësuar disa ndryshime në vitet që kanë pasuar. Aktakuza aktualisht në fuqi u dorëzua më 27 shkurt 2023.Secili prej të akuzuarve është akuzuar mbi bazën e përgjegjësisë penale individuale me gjashtë akuza për krime kundër njerëzimit: përndjekje, burgim, akte të tjera çnjerëzore, torturë, vrasje e paligjshme dhe zhdukje me forcë e personave.Gjithashtu kundër tyre janë ngritur edhe pretendime për krime lufte: arrestim dhe ndalim i paligjshëm dhe arbitrar, trajtim mizor, torturë dhe vrasje e paligjshme.Sipas aktakuzës, krimet e paraqitura u kryen më së paku prej marsit 1998 deri në shtator 1999 në disa vendndodhje në Kosovë, si dhe në Kukës dhe Cahan të Shqipërisë.Pretendohet se këto krime u kryen nga anëtarë të UÇK-së kundër qindra civilëve dhe personave që nuk merrnin pjesë në luftime.Deri tani,140 persona janë pranuar si viktima pjesëmarrëse në procesin gjyqësor.Ata janë vetëdeklaruar të pafajshëm për akuzat në fjalë.
