Një person është plagosur sot me armë zjarri në rrugën “Anton Çeta”, në Prishtinë.
Këtë për Indeksonline e ka konfirmuar Zëdhënësja e policisë për rajonin e Prishtinës Flora Ahmeti, ku njoftoi se viktima është dërguar për tretman mjekësor.
“Sot rreth orës 06:00 policia ka marrë informatën për një plagosje me armë zjarri të ndodhur në rrugën “Anton Çetta”.
Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen, ku dyshohet se nga një person është plagosur me armë zjarri dhe i njëjti është dërguar për tretman mjekësor.
Aktualisht hetuesit policor në koordinim me prokurorinë, po ndërmarrin veprimet hetimore për ndriçimin e plotë të rasti”, ka thënë Ahmeti
