Policia e Kosovës njofton se ka arritur ta identifikojë dhe ta ftojë në stacionin policor shoferin i cili drejtonte automjetin me drita rrotative, në rrugën magjistrale Ferizaj – Prishtinë. Ai është gjobitur me 500 euro dhe heqje të patentë-shoferit për 3 muaj.
“Më datë 27.01.2025, rreth orës 18:00, policët e Njësisë së Komunikacionit Rrugor në Ferizaj kanë tentuar të ndalojnë një automjet tip Audi Xhip me targa vendore, i cili po lëvizte në rrugët e fshatit Talinovc i Muhaxherëve në drejtim të rrugës magjistrale Ferizaj – Prishtinë”, thuhet në njoftimin e Policisë Rajonale të Ferizajt.
Pas verifikimit të pamjeve nga kamerat e sigurisë, policia njofton se ka arritur ta identifikojë dhe ta ftojë në stacionin policor drejtuesin e automjetit, N.RR. (M/K), 40 vjeç.
“Pas intervistimit, ndaj tij është shqiptuar një gjobë kundërvajtëse prej 500 eurosh si dhe masa mbrojtëse heqje e patentë-shoferit për 3 muaj” thuhet në raportin e Policisë
