Edhe mëngjesi i ditës së sotme në disa prej pikë kalimeve kufitare të vendit, si në hyrje ashtu edhe në dalje, është më i ngarkuar dhe janë shkaktuar kolona e pritje më të gjata.
Në dalje të pikës kufitare të Merdarit, qytetarët po presin deri në 1 orë e 20 minuta, ndërsa kolona e krijuar është rreth 700 metra.
Sipas Qendrës për Menaxhim Kufitar të Ministrisë së Punëve të Brendshme, pritje të gjata ka edhe te Dheu i Bardhë, rreth 1 orë, ndërsa në Muçibabë, Mutivodë e në Jarinjë, pritjet janë deri në 10 minuta.
Sa i përket pikave tjera kufitare, fluksi i daljes është më i vogël. Kryesisht hyrja është 3 deri në 5 minuta, ndërsa dalja është 5 deri në 10 minuta.
