Gjendet një person i vdekur në Drenas, dyshohet për vetëvrasje

Një person është gjetur i vdekur në fshatin Poklek i Ri në Komunën e Drenasit.
Policia ka thënë se për këtë rast ka marrë informacion rreth orës 18:30, ku pas daljes në vendin e ngjarjes bashkë me ekipet mjekësore nga këta të fundit është konstatuar vdekja e tij.
Policia ka thënë se ka elemente të vetëvrasjes, por që bashkë me prokurorinë kanë nisur hetimet.
“Mbështetur në informacionet e para, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit”, thuhet nga Policia.