Një person nga fshati Mogillë i Kllokotit ka gjetur një mjet shpërthyes të dielën nën rrënojat e një shtëpie të vjetër.
Policia e Kosovës njoftoi se njësitet relevante kanë dalë në vendin e ngjarjes dhe e kanë siguruar vendngjarjen, ndërsa njësitet e FSK-së dhe të KFOR-it e kanë larguar pa asnjë pasojë.
Në njoftimin policor u tha se granata e dorës ishte tërësisht e ndryshkur dhe dyshohet se ishte aty nga paralufta.
“Nga hetimet para mësohet se mjeti i dyshuar ishte një granatë dore dhe në bazë të këqyrjes së vend ngjarjes ku është gjetur dhe gjendjes së mjetit (i ndryshkur në tersi) granata e dorës dyshohet se në vendin e ngjarjes ka qenë prej shume vitesh (dyshohet se është që nga paralufta). Mjeti i dyshuar nga vendi i ngjarës është tërhequr pa asnjë pasojë nga njësitet përkatëse të FSK-së dhe KFOR-it. Me urdhër të Prokurorit të Shtetit në lidhje me rastin në fjalë është përpilohet vetëm një shënim zyrtar pasi që nuk janë gjetur elemente të kryerjes së veprimeve penale”, thuhet në njoftimin policor.
