Policia ka njoftuar se një person është gjetur i vdekur sot në parkun e lagjes “Taukbashçe” në Prishtinë.
Zëdhënësi i Policisë për rajonin e Prishtinës, Agron Borvoci tha se ngjarja ka ndodhur në mesditë.
“Sot rreth orës 12:45, policia ka pranuar informatën për një person të shtrirë në tokë në parkun e ‘Taukbashçes’ në Prishtinë.
Menjëherë pas marrjes së informatës, Policia dhe ekipi i mjekëve emergjentë kanë dalë në vendin e ngjarjes, ku nga ekipi mjekësor është konfirmuar se viktima, mashkull është pa shenja jete”, ka thënë Borovci.
“Policia me kujdes të shtuar po trajton të gjitha rrethanat që karakterizojnë ngjarjen”, theksoi ai.
