Komuna e Kaçanikut ka njoftuar se gjatë punimeve që janë duke u bërë për rregullimin e parkingut nëntokësor në këtë qytet, kanë hasur në bazamente të mureve mesjetare.
Në krye me arkeologun Hajredin Ramajli, gërmimet janë ndërprerë, teksa pritet të vazhdohet me procedura të tjera.
“Në koordinim dhe komunikim të plotë me ta, kemi ndërprerë punimet, për të vazhduar me procedurat e tjera të parapara në këso lloj rastesh”, shkruhet në një njoftim nga Komuna e Kaçanikut.
Njëherësh është bërë e ditur se largimi i përkohshëm i bustit të veprimtarit Sali Bajra është bërë në konsultim me njërin prej anëtarëve të familjes së tij.
