Policia e Kosovës në 24 orët e fundit ka arrestuar gjashtë persona në pesë raste të ndryshme, si të dyshuar për dhunë në familje.
Në Lipjan, Policia ka arrestuar një burrë të dyshuar për dhunë psiqike ndaj një gruaje. Me vendim të prokurorit i dyshuari është dërguar në mbajtje.
Në një rast në Prishtinë një grua ka raportuar se është sulmuar fizikisht nga një burrë. Viktima ka pranuar trajtim mjekësor, ndërsa i dyshuari është arrestuar dhe me vendim të prokurorit është dërguar në mbajtje.
Në Obilq Policia ka arrestuar dy të dyshuar burra pasi të njëjtit dyshohet se kanë ushtruar dhunë fizike ndaj një gruaje. Viktima ka pranuar tretman mjekësor dhe është strehuar tek familja e saj, ka njoftuar Policia. Ndërsa të dyshuarit pas intervistimit në konsultim me prokurorin janë liruar në procedurë të rregullt.
Në Rahovec është arrestuar një burrë pasi i njëjti dyshohet se ka ushtruar dhunë fizike ndaj viktimës femër kosovare. Viktima e rastit ka pranuar tretman mjekësor. I dyshuari pas intervistimit me vendim të prokurorit është dërguar në mbajtje.
Në një rast në Gjakovë Policia ka arrestuar një burrë të dyshuar për veprën, dhunë në familje. Policia bënë të ditur se viktima ka pranuar tretman mjekësor, dhe pas intervistimit ka shkuar në shtëpinë e familjes së saj dhe ka kërkuar urdhër mbrojtës. I dyshuari me vendim të prokurorit është dërguar në mbajtje.
