Ministrja e Punëve të Jashtme dhe Diasporës të Kosovës, Donika Gërvalla-Schwarz, ka takuar ministren e Punëve të Jashtme, Frankofonisë dhe Qytetarëve të Afrikës Qendrore Jashtë Vendit, Sylvie Baïpo-Temon, në margjinat e Sesionit të 79-të të Asamblesë së Përgjithshme të Kombeve të Bashkuara (UNGA 79).
Në njoftim për medie bëhet e ditur se temë e këtij takimi ishte forcimi i marrëdhënieve diplomatike mes dy vendeve dhe forcimi i bashkëpunimit
“Në këtë frymë mirëkuptimi, u përsërit përkushtimi për të thelluar bashkëpunimin në organizata ndërkombëtare. Një vend të veçantë gjatë bisedës zuri edhe shkëmbimi i përvojave dhe politikave të ndryshme që fuqizojnë lidhjet me mërgatën dhe diasporën”, thuhet në njoftim.
Tutje bëhet e ditur se ky takim shënon një hap të rëndësishëm drejt forcimit të marrëdhënieve mes Kosovës dhe Republikës e Afrikës Qendrore, duke rikonfirmuar përkushtimin për një partneritet të qëndrueshëm.
