Ministrja e Punëve të Jashtme dhe Diasporës, Donika Gërvalla ka thënë se qytetarët e Kosovës tani mund të udhëtojnë lirshëm në Spanjë.
Kjo pasi siç ka deklaruar ajo, Spanja i njeh pasaportat e zakonshme të Kosovës që nga 1 janari i këtij viti.
“Qytetarët e Kosova mund të udhëtojnë në Spanjë tani. Bazuar në njoftimet e shteteve anëtare të BE-së deri më 5 janar 2024, Mbretëria e Spanjës njeh pasaportat e zakonshme të Republikës së Kosovës që nga 1 janari 2024”, ka njoftuar Gërvalla përmes platformës “X”.
Citizens of Kosova can travel to Spain now.
— Donika Gërvalla-Schwarz (@gervallaschwarz) January 6, 2024
Based on the notifications from EU Member States until 5 January 2024, the Kingdom of Spain 🇪🇸 recognises ordinary passports of the Republic of Kosova 🇽🇰 as of Jan 1, 2024.
🇪🇺🇪🇸🇽🇰
¡MUCHAS GRACIAS, ESPAÑA!
¡BIENVENIDO EN KOSOVA!
Ndryshe, edhe zëvendëskryeministri Besnik Bislimi ka konfirmuar gjatë ditës së shtunë se Spanja njeh pasaportën e Kosovës.
Bislimi në një postim në Facebook ka shkruar se DG Home (Drejtoria e Përgjithshme për Migracionin dhe Çështjet e Brendshme e BE-së) ka njoftuar se tashmë edhe Spanja i njeh pasaportat e Republikës së Kosovës dhe mund të udhëtojmë pa viza dhe drejt këtij shteti.
“Ndërsa me 1 janar nisi lëvizja pa viza, Spanja është destinacion që i shtohet vendeve të zonës Shengen ku mund të udhëtojmë përmes liberalizimit, e ku pengesë më herët ishte mosnjohja e pasaportës sonë. Vazhdojmë tutje, për të sjellë lajme të tjera të mira, e që ndikojnë pozitivisht për qytetarët tanë”, ka shkruar ai.
