Instituti Hidrometeorologjik i Kosovës ka publikuar parashikimin e motit për fundjavën, duke paralajmëruar kushte kryesisht të vranëta dhe reshje të herëpashershme shiu në territorin e vendit.
Sipas njoftimit, dita e sotme do të karakterizohet nga mot i vranët, me reshje shiu që pritet të paraqiten në intervale kohore gjatë ditës.
Temperaturat minimale do të lëvizin nga 0°C deri në 3°C, ndërsa maksimalet nga 5°C deri në 7°C. Era do të fryjë nga drejtimi veriperëndimor me shpejtësi 1 deri në 6 metra në sekondë.
Ndërkohë, e diela do të sjellë mot të vranët me intervale të shkurtra me diell. Vranësirat vende-vende mund të shoqërohen me riga të dobëta shiu.
Temperaturat minimale do të variojnë nga -1°C deri në 2°C, kurse maksimalet pritet të arrijnë nga 6°C deri në 9°C. Era do të jetë nga verilindja, me intensitet të lehtë deri mesatar.
