Forca e Sigurisë së Kosovës, në mesin e 107 ekipeve të ushtrive ndërkombëtare, arriti të marrë medaljen e argjendtë në njërën prej garave ushtarake më prestigjioze në botë “Cambrian Patrol 22”, që u zhvillua në Britani të Madhe.
Kështu ka bërë të ditur Qeveria e Republikës së Kosovës, duke deklaruar se në këtë garë, pjesëtarët e FSK-së treguan performancë të jashtëzakonshme gjatë stërvitjes 48 orëshe në Malet e Zeza të Uellsit, së bashku me 80 ekipe britanike dhe 27 ekipe të shteteve tjera ndërkombëtare.
“Performanca e FSK-së është vlerësuar lartë edhe nga këshilltari i Mbrojtjes i Mbretërisë së Bashkuar, nënkolonel John Hunter, si demonstrim i qartë i përkushtimit dhe standardeve të larta që FSK ka përmbushur.”, thuhet në njoftimin e Qeverisë.
