Komuna e Prishtinës i ka njoftuar banorët e gjashtë fshatrave të saj, se këtë javë Forca e Sigurisë së Kosovës (FSK) do të zhvillojë atje ushtrime fushore.
Gjatë ushtrimeve do të ketë edhe të shtëna me armë me municion shkollor.
Ushtrimet do të zhvillohen në fshatrat: Ballaban, Dyz, Sharban, Makovc, Keqekollë dhe Koliq.
“Ju njoftojmë se në datat 18, 19, 20 dhe 24 nëntor, një nga njësitë e FSK-së, përkatësisht AM/QSU do të realizojë dy Ushtrime Fushore. Gjatë zhvillimit të aktiviteteve në Ushtrim Fushor do të ketë të shtëna me armë me municion shkollor”, thuhet në njoftim.
