Është paraqitur para opinionit arsenali i madh i armëve, uniformave dhe pajisjeve logjistike që Policia e Kosovës i konfiskoi në Banjskë të Zveçanit pas shpartallimit të grupit terrorist serb, duke i vrarë disa prej tyre, disa duke i plagosur dhe arrestuar, kurse disa kanë ikur dhe po trajtojnë plagët në Novi Pazar të Serbisë.
Përveç armatimit të madh në mesin e mjeteve të konfiskuara janë edhe vetura me mbishkrimin “KFOR”, e të tjera pa targa.
Ndërsa gjatë aksionit në veri janë gjetur edhe dokumente të kriminelit Radoiçiq…
Ministri i Punëve të Brendshme, Xhelal Sveçla, ka thënë se kanë informacione se 6 terroristë të plagosur po trajtohen në spitalin e Novi Pazarit.
Ai ka kërkuar nga Serbia që t’i dorëzojë ata dhe cilindo pjesëtar që ka arritur të ikë në Serbi.
“Sipas informatave të deritanishme, 6 terroristë të plagosur po trajtohen në spitalin e Novi Pazarit dhe kërkojmë nga Serbia që ata t’i dorëzojnë menjëherë te autoritetet e Kosovës, që t’i përgjigjen drejtësisë për aktet terroriste. Poashtu për çfarëdo pjesëtari I këtij grupi që ka arritur të ikë në Serbi, kërkojmë nga Serbia që ta dorëzojë”, tha Sveçla.
