Pasditen e sotme është raportuar fluks i shtuar në disa pika të kalimit kufitar, me kohë të zgjatura pritjeje, veçanërisht për automjetet në dalje nga Kosova.
Sipas të dhënave të fundit të përditësuara në orën 19:12 nga Qendra Kombëtare për Menaxhim Kufitar, pika kufitare “Dheu i Bardhë” ka regjistruar pritje deri në 1 orë e 10 minuta në hyrje, ndërsa në dalje koha e pritjes është 20 minuta.
Kolona e automjeteve arrin deri në 350 metra në hyrje dhe 70 metra në dalje.
Edhe te pika kufitare Muçibabë, qytetarët përballen me pritje të zgjatura deri në 20 minuta në hyrje dhe 15 minuta në dalje, me kolona përkatësisht 100 metra dhe 30 metra.
Në pikat tjera kufitare, si Merdar, Kullë, Jarinje, Glloboqicë, Stançiq, Hani i Elezit, dhe Vërmicë, fluksi është më i menaxhueshëm, me pritje që variojnë nga 3 minuta deri në 10 minuta, pa kolona të raportuara.
Për kamionët, situata paraqitet e qetë në të gjitha pikat kufitare, me kohë pritjeje mes 3 dhe 5 minutash dhe pa ndonjë kolonë të theksuar.
Qytetarët këshillohen të ndjekin informacionet më të fundit për të planifikuar më mirë udhëtimet e tyre dhe për të shmangur pikat me fluks të lartë. /Telegrafi/
