Sot do të mbahen zgjedhjet e brendshme në Lëvizjen Vetëvendosje.
Qendrat e vendvotimeve janë hapur në orën 10:00 dhe do të mbyllen në orën 19:00.
Në 43 Qendra të Lëvizjes Vetëvendosje mbahet procesi zgjedhor për Kryetar të LVV-së, Kryetare të GVV-së dhe Kryetar të RVV-së, ndërkaq në 26 Qendra mbahen zgjedhje edhe për të njëjtat organe në nivelin e dytë, atë të Qendrave.
Ndërkaq pak më parë për të votuar ka shkuar edhe kryetari aktual i kësaj partie, njëherazi edhe kryeministri i Republikës së Kosovës, Albin Kurti.
Kurti votoi në shkollën fillore “Gjergj Fishta” në kryeqytet.
Po ashtu votën e saj e ka hedhur edhe ministrja Albulena Haxhiu, e cila është kandidate për kryetare të gruas në Vetëvendosje.
