Luis Rubiales është suspenduar nga FIFA edhe pse ai ka refuzuar të japë dorëheqje nga kreu i Federatës së Futbollit të Spanjës.
I pari i futbollit spanjoll ka puthur futbollisten Jenni Hermoso pasi Spanja fitoi Kupën e Botës në konkurrencën e femrave.
Megjithatë Komiteti Disiplinor i FIFA-s ka pezulluar përkohësisht Luis Rubiales, presidentin e federatës spanjolle të futbollit pas skandalit me futbollisten Hermoso.
Në një deklaratë të lëshuar nga FIFA, thuhet se Luis Rubiales pezullohet përkohësisht nga të gjitha aktivitetet e lidhura me futbollin në nivel kombëtar dhe ndërkombëtar.
“Kryetari i Komitetit Disiplinor të FIFA ka vendosur sot të pezullojë përkohësisht z. Luis Rubiales nga të gjitha aktivitetet e lidhura me futbollin në nivel kombëtar dhe ndërkombëtar. Ky pezullim, i cili do të hyjë në fuqi nga sot, është për një periudhë fillestare prej 90 ditësh, në pritje të procedimit disiplinor të hapur ndaj zotit Luis Rubiales të enjten, më 24 gusht”.
“Po kështu, kryetari i Komitetit Disiplinor të FIFA-s dhe për të ruajtur, ndër të tjera, të drejtat themelore të futbollistes së kombëtares znj. Jenni Hermoso dhe urdhrin e mirë të procedimit disiplinor pranë këtij organi disiplinor, ka nxjerrë edhe dy të tjera”.
“Direktiva (neni 7 FDC) me anë të të cilave ai urdhëron z. Luis Rubiales të përmbahet, nëpërmjet tij ose palëve të treta, nga kontaktimi ose përpjekjet për të kontaktuar me lojtaren profesioniste të ekipit kombëtar spanjoll të futbollit znj. Jenni Hermoso ose mjedisin e saj të ngushtë”, thuhet në një deklaratë të FIFA-s.
