“Sunny Hill Festival 2022” është rikthyer në Prishtinë, pas anulimit të tij dhe zhvendosjes pak ditë më parë në Tiranë.
Rikthimi i festivalit në Prishtinë, nuk ka bërë që të anulohet në kryeqytetin e Shqipërisë.
Përmes një njoftimi, organizatorët kanë bërë të ditur se, festivali përveq Prishtinës, do të mbahet edhe në Tiranë më 26-27-28 Gusht, 2022.
Përmes një deklarate të përbashkët të Komunës së Prishtinës, Ministrisë së Kulturës dhe organizatorëve të Sunny Hill Festival, është bërë e ditur se festivali po rikthehet në data që ishte planifikuar edhe më herët.
‘Sunny Hill Festival mbahet në shtëpinë e vet, në Prishtinë, më 4, 5, 6 dhe 7 gusht 2022”, thuhet ndër tjera në deklaratën e përbashkët.
Pas këtij lajmi ka reaguar edhe kryetari i Bashkisë së Tiranës, Erion Veliaj përmes një postimi në llogarinë e tij në Twitter
“Sunny Hill Festival – edhe në Prishtinë, edhe në Tiranë! Shumë i lumtur që edicion special i këtij viti i “Sunny Hill Festival”, do të mbahet në Prishtinë në 4,5,6, e 7 gusht, kurse në Tiranë në 26, 27, dhe 28 gusht. Një super lajm. Bashkë”, ka shkruar Veliaj në postim.
? Sunny Hill Festival – Edhe në Prishtinë, edhe në Tiranë! ?? ♥️??
— Erion Veliaj #EYC2022 ???? (@erionveliaj) June 20, 2022
Shumë i lumtur që edicioni special i këtij viti i “Sunny Hill Festival”, do të mbahet në Prishtinë në 4, 5, 6 e 7 gusht, kurse në Tiranë në 26, 27 dhe 28 gusht.
Një super lajm! ❤️
BASHKË! ?? #SharingIsCaring pic.twitter.com/LyTkysgQog
Theksojmë që ditë më parë festivali u anulua në Prishtinë për t’u zhvendosur në Tiranë, ndërkohë tashmë pritet të mbahet në të dyja kryeqytetet.
Në festival tashmë janë bërë të ditur disa prej performuesve që do të jenë pjesë e tij, teksa është njoftuar se në ditë në vazhdim do të bëhen të ditur edhe emra të tjerë, në mesin e tyre edhe dy artistë të mëdhenj botëror.
Kujtojmë që, festivali po rikthehet këtë vit pas një pauze dyvjeçare për shkak të pandemisë COVID-19.
