Arrestohen tre ferizajas, inskenonin aksidente me vetura për të përfituar nga sigurimi
Policia e Kosovës ka arrestuar tre të dyshuar, të cilët dyshohet se kanë inskenuar qëllimisht aksidente me vetura, në mënyrë që të përfitonin financiarisht nga sigurimet.
Arrestimi ka ndodhur të premten rreth orës 17:00, në rrugën “Ramadan Rexhepi” në Ferizaj.
“Rr.Ramadan Rexhepi, Ferizaj, 09.09.2022-17:05 Janë arrestuat tre të dyshuar meshkuj kosovarë pasi që të njëjtit në bashkëveprim kanë inskenuar qëllimisht aksidente me vetura që të përfitojnë nga sigurimet. Me vendim të prokurorit të dyshuarit pas intervistimit dërgohen në mbajtje”, thuhet në komunikatë.
