Miliarderi Elon Musk, një këshilltar i lartë i presidentit amerikan Donald Trump, akuzoi presidentin ukrainas Volodymyr Zelensky për vrasjen e një gazetari amerikan.
“Zelensky vrau një gazetar amerikan!”, tha Musk të mërkurën në llogarinë e tij X pasi Trump e quajti udhëheqësin ukrainas një “diktator pa zgjedhje” dhe paralajmëroi se “më mirë të lëvizë shpejt ose nuk do t’i mbetet një vend”.
Postimi i Musk erdhi pasi një llogari pretendonte se gazetari kiliano-amerikan Gonzalo Lira u vra në Ukrainë vitin e kaluar pasi dyshohet se ishte kritik ndaj Zelenskyt, shkruajnë mediat e huaja.
Kujtojmë se së fundmi ka pasur një përplasje ndërmjet Zelensky dhe Trump.
Kjo ka ardhur pasi Trump ka avancuar negociatat me Rusinë për t’i dhënë fund luftës trevjeçare në Ukrainë, pa pjesëmarrjen e Kievit dhe qeverive të tjera evropiane.
Ai tha se Evropa ka dështuar të sjellë paqe në Ukrainë dhe SHBA po negocionte me sukses një fund të luftës.
